黄泽林 早前卷入感情风波，外界对佢同 陈康堤 与 谭旻萱 嘅感情事非常关注，而之后更传出另一女歌手 黄淑蔓 亦曾被力追，呢日Feanna亲自澄清呢单传闻，指自己同Coleman只系普通朋友咁话。
即将迎接自己首次个人音乐会嘅佢，亦提到筹备情况已经七七八八，只系差自己尚未练歌到最佳状态，而首次开两场骚心理亦有一定压力。而相对经验多少少嘅 曾傲棐 就指最难系完成首场演出当晚心情难以平复，提醒佢注意喇。
Feanna年纪轻轻就出道老友唔少，呢日就指邀请唔少圈中好友入场欣赏，又希望自己唔会令大家失望。而曾同Feanna合作MV嘅Arvin，就话一定会捧场，不过就唔会上台，希望Feanna好好享受呢次首个个人音乐会演出呀。
