佘诗曼化身小迷妹朝圣BIGBANG 陈山聪睇完骚接力孖胡定欣跑港珠澳大桥

佘诗曼化身小迷妹朝圣BIGBANG 陈山聪睇完骚接力孖胡定欣跑港珠澳大桥

韩国天团BIGBANG近日喺启德举行庆祝出道 20 周年演唱会,吸引到唔少星级fans入场朝圣,14号晚 佘诗曼 就约埋 文颂娴 、陈山聪 等去睇骚,阿佘喺社交平台大晒场内狂欢靓相,见佢手持标志性皇冠应援灯投入跟唱,瞬间卸下「Man姐」霸气,变身小粉丝享受音乐盛宴。 

而同佢哋一齐睇骚嘅山聪,喺BIGBANG演唱会狂欢过后,几乎零休息,15号朝早即无缝接轨,准时现身参与「中银港珠澳半马」2公里荣誉杯赛事。虽然前一晚先喺启德主场馆跟随BIGBANG劲歌热舞,但热爱跑步嘅山聪依然精神奕奕、状态大勇,同胡定欣顺利完成赛事。