万千星辉贺台庆|罗嘉良时隔廿多年再参与演出 伙新一代艺员同事共演开场歌舞

《万千星辉贺台庆》星期四晚就正式举行,艺员同事早已为当晚唔同表演项目彩排同准备,而呢日特别表演嘉宾 罗嘉良 就同大批男女艺员同事,为其中一幕歌舞演出彩排,久违参与嘅捞家更会同大家一齐,重演当年经典剧集《难兄难弟》。


捞家早前重返TVB拍摄新剧《模范律师团》,今次又参与台庆演出,难怪佢都话非常开心,加上同咁多新一代同事合作,感觉就更特别喇。佢同 游嘉欣 李海铜 一齐受访时提到,唔止今次系事隔廿多年再为台庆演出面开心,谂返当年于清水湾电视城拍《难兄难弟》嘅开心时刻就仲开心,日日同 吴镇宇 张可颐 仲有 宣萱 等更加系笑到停唔到呀。

呢日大家齐齐喺排舞室彩排,见到 钟柔美 刘芷君 罗天宇 刘倬昕 等多位同事一齐参与,而 关嘉敏 受访时,仲指自己将参与多个环节,记舞步同彩排都非常紧密咁话。

《万千星辉贺台庆》星期四晚 19:45 翡翠台