Sing光路上|黄博实现白日梦成未来之星 分享老公追求故事以为将单身生活

《中年好声音3》冠军 黄博 自小沉浸于音乐中长大,爸爸好钟意玩乐器,每逢周末都均会同音乐之友共聚,然后叫阿女唱歌,慢慢黄博就被发掘出音乐细胞。读幼稚园时佢已经被老师睇中做领唱,小学已加入合唱团,黄博回忆成长后都曾经有过歌手梦,仲话:「几个女仔围埋时,都发过白日梦要做歌手,仲话未来之星就是我。」而参加《中声》选秀后,真系令黄博梦想成真。


父母对子女栽培理所当然,黄博嘅父母都唔例外,一直都希望女儿琴棋书画皆精,所以细细个就安排黄博学习唔同才艺,令佢有一个充实嘅童年。不过佢心底亦有难过唔开心嘅时候,黄博曾经喊住向妈咪嗌辛苦。后来见黄博唯独对弹琴有兴趣,但因读书压力大,有日终于鼓起勇气向父母反映暂停学习课外活动,即时见到爸爸眼有泪光,一心想栽培自己,但佢却选择中途放弃,当时佢自己都好难受。

直至读大学时,黄博先有更多时间重拾音乐梦,又不时参加歌唱比赛,更有机会唱Demo同参与配乐工作。后来嚟到香港发展,认识《中年好声音》节目,被专业感觉吸引报名一试,当时佢一心只系想学习,所以初期都以好简朴打扮参加,知道入围100强时非常惊讶:「点解会拣我?我广东话又唔好,又唔靓,有得录影已经好好,参加100强时我就同自己讲系最后一次,将自己去饮嘅衫攞出嚟。」再后过关斩将获奖,令父母都非常激动,完全冇谂过个女有呢个成就。

有样嘢亦系黄博冇谂过,就系有一段美好婚姻,佢话之前觉得自己会一直单身生活,又分享同老公相识及接受追求经过,估唔到过程都几浪漫。

另外,黄博近日推出第二首有份创作嘅新歌《花说》,佢希望观众同粉丝可以喺歌曲中揾到黄博嘅特色,未来都想推出更多治愈心灵嘅歌曲。