向来热爱小动物嘅 郑融Stephanie ,近日趁空档远赴希腊度假享受生活,不过呢次假期佢就有一个暖心奇遇 —— 佢喺当地旅游期间意外「执到」一只可爱嘅流浪猫BB,令佢嘅旅程增添意义同快乐!![]()
![]()
![]()
![]()
郑融喺社交平台分享嘅唔少片段及照片,佢喺帖文中写道:「🇬🇷👶🏻喺希腊一个落紧雨嘅下午,拾到一只响垃圾站徘徊,还病紧有感冒的猫BB~ 有经验嘅朋友马上去了买湿粮, 搣碎厕纸俾BB顶住做临时猫厕所, 用菊花茶开水帮小猫抹眼睛抹面, 约兽医 但系冇谂过要两日后先有得睇医生~」喺郑融分享嘅照片所见,猫BB因为生病,对眼被黏液浆住,搞到佢眼神变得相当无辜,令本身热爱小动物嘅郑融瞬间被击中,果断出手拯救呢只猫BB,细心照顾并带去睇医生:「第三日感恩BB精神都好返好多,食到个肚仔都变咗个乒乓波☺️ 好快有得睇医生了☺️👶🏻💕 一个决定真系可以改写生命❤️❤️❤️🙏🏻 BB 好钟意你呀☺️ 你令我嘅旅程增添意义同快乐💞🙏🏻」![]()
![]()
![]()
帖文一出,随即引嚟大批圈中好友及网民留言大赞郑融人美心善,纷纷表示:「猫BB好有福气遇到你!」、「画面好治愈」、「睇得出Stephanie真系好锡小动物」,更有唔少网民建议佢收编猫BB将佢带返香港,令呢段「希腊奇缘」延续下去。![]()