玫瑰战争丨三小生恶搞MV获正主赞扬 陈自瑶爆被傅嘉莉掌掴戏系真打

热播台庆剧《玫瑰战争》剧中人物个个勾心斗角,风光背后隐藏住一场复仇大计,剧集播出一星期,口碑同收视都创佳绩。


陈豪喺剧中角色 陈云生 深受旗下女艺人爱戴,个个都为咗佢争风呷醋,搞到满城风雨,阿Mo呢日受访时,就好得戚咁话娱乐圈嘅大哥就系咁,仲话自己个角色系集邮嘅,连饰演 夏无双 嘅 杨茜尧 都话要集对方邮呀。唔少观众都估陈豪个角色系终极big boss,不过阿Mo就叫大家唔使估喇,因为剧中仲有好多大家意想唔到嘅剧情。

myTV SUPER重温《玫瑰战争》窥探娱圈秘闻

呢日宣传活动上就播出 周嘉洛 、 张振朗 同 吴业坤 恶搞 林夏薇 、 傅嘉莉 同 姚子羚 MV嘅片花,搞到全场爆笑,林夏薇就话估唔到嘉洛扮得咁似,而 Kelly就话好欣赏佢哋三个好豁得出去,佢又指如果坤哥可以唔戴眼镜效果就会更好;姚子羚就建议三位男士应该要化妆加戴埋长假发。

陈自瑶 喺剧中一幕被Kelly兜巴星嘅场面,唔只观众睇到咬牙切齿,就连 邝洁楹 都睇得相当投入,Yoyo话呢幕当时系真打,面上嘅红印都系真实嘅,Yoyo话借位太假,要拍就拍真嘅,同时好在Kelly够专业,十几廿巴就拍好喇。

《玫瑰战争》星期一至五晚 20:30 翡翠台