近年于TVB挑战多个唔同角色嘅实力派艺人 马贯东 ,近日大玩AI怀旧风,分享一张充满80年代复古菲林质感嘅生成图片。相中嘅Mark一改平时俐落短发形象,以80年代蓬松微卷「Mullet头」,加上洗水雪花牛仔外套,照片背景更还原当年旧式收音机同贴满怀旧海报,细节满分。![]()
![]()
相片公开后随即引来大批圈中好友同网民围观,而呢个45度侧面更同 任贤齐 年轻时有如饼印一样,更有几分《心太软》时期嘅深情浪子气息,而Mark本人对呢张AI复古造型更系爱不释手,直言非常喜欢呢个80年代打扮。
戏中造型百变嘅马贯东,佢过往曾有严重猫狗敏感,后来领养爱猫后努力克服不适,仲由零开始考取专业资格成为宠物美容师。爱宠嘅佢更为佘诗曼、陈炜、郭晋安、周嘉洛等多位圈中好友嘅「星级毛孩」扮靓,佢有份投资嘅宠物美容学校年初更于珠海开业。爱心爆棚嘅Mark只要唔使拍剧就会亲自落手,更不时义务为流浪猫狗修剪毛发「扮靓」,大大增加被领养嘅机会。![]()
虽然宠物美容生意有声有色,但Mark始终将演戏放于首位,今年佢就先后于《卧底娇娃》 同《死有对证》中参与重要角色,《死有对证》 中饰演重案组高级警员「高俊」一角更系首度荣升「男一」,同 陈晓华 以及 韦家雄 组成查案铁三角大获好评。近期佢亦亮相节目《我和牠的故事》,分享与家中五只爱猫嘅温馨日常。![]()
![]()