鱼毛贾思乐慈善活动分享EYT聚会 曹越任永健喜闻《中声5》卷土重来

日前现身EYT聚会精神十足嘅 余慕莲 ,呢日再同老友 贾思乐 一齐现身慈善活动,仲指当晚同唔少老友见面非常开心,仲把握时间同大家影相倾偈,可惜抽奖自己抽唔中咁话。而Louie当晚亦有参与,但最开心就系获 周润发 大赞佢冻龄不变,开心到不得了呀。


休战一年嘅《中年好声音》明年将会迎接第五辑,而身为中声家族成员嘅 曹越 同 任永健 ,就指非常期待全新战局,仲指传闻当中唱歌以外,仲会有演戏等唔同考验,更有唔少朋友都蠢蠢欲动有意报名,向佢请教小贴士呀。任永健就指相信经过一年沉淀,相信新一辑比赛将会以全新面貌同大家见面,令佢非常期待咁话。