许志安上个月举行红馆演唱会,呢晚又再举行音乐会,好友张学友送上花篮为安仔打气,呢次安仔联同爵士乐团一齐演绎多首歌曲,当中包括一首16年前嘅牙刷广告歌,再唱《尖尖尖》瞬间炒热全场气氛。
![]()
安仔笑指呢个「出土文物」有十几年前,原来呢个「尖尖尖」系音乐总监练歌时提议,话「尖尖尖」系Jazz,仲话系听呢首歌长大,安仔都渴望再拍呢啲广告,但自己做唔番拎住牙刷好享受𠮶个表情,牙肉都损埋!![]()
安仔喺今次歌单拣咗好多大家耳熟能详嘅经典歌,以爵士形式演绎,佢将压力转化为投入,再次谂起一个月前嘅骚,上台前唔好有太多包袱,唔好谂观众反应,只要投入去唱,观众就会畀番反应,自己一路听一路练,好似入行时期咁投入,感觉好正,见到观众呢晚反应,安仔感到好开心。![]()
今年系安仔同太太郑秀文(Sammi)结婚13周年,佢自认属浪漫型老公,计划与太太食餐好啲一齐庆祝,而家浪漫系一种舒服嘅体验。