张家辉新年开骚宣传分享表演环节 唔怕契爷修哥割席将神秘形式出场

张家辉 早前宣布农历年间将举行一连三场红馆演出,呢日宣传渣渣辉就指今次并唔系斋唱歌咁普通,将会加入楝笃笑等其他元素,而过往由佢演出过令大家非常怀念嘅各个角色,演出时亦会先后现身,而歌单亦会尽量满足大家咁话。


至于契爷 胡枫 早前指如果收唔到邀请就同佢一刀两断,呢日家辉就话完全唔使担心,一定会提出邀请,仲会对佢大改造㖞。虽然佢早年已经系歌手,家辉就指对住全场观众唱歌其实会怯场,仲话最近出席唔同场合都突然唱歌,系比自己嘅热身机会嚟呀。

特别安排过年新正头开骚,观众入场就一定会向佢派利是,呢日家辉亦担心到时唔识处理,反而向传媒请教,仲话唔回礼心情忐忑,非常搞笑。