林淑敏、许家杰(Jack)呢对「莲辉CP」早前官宣将以新角色「戴嘉婷」、「宋锐威」加入TVB处境剧《爱‧回家之三代同糖》,两个角色仲有复杂关系,消息一出随即令剧迷期待。
myTV SUPER免费重温《爱.回家之开心速递》搞笑剧情
![]()
近日有网民喺街上偶遇林淑敏同林芷羿、候隽熙为剧集拍摄外景,佢仲兴奋到手都震埋拍片,虽然只得短短几秒,但已经睇到林淑敏造型同喺《开心速递》嘅大小姐龙力莲有所不同,大家仲留言话要叫「戴小姐」,唔好再嗌「大小姐」。
![]()
林淑敏同阿Jack近日以新角色身份拍摄宣传片,阿Jack角色造型就有别于「送水辉」,呢次佢戴上眼镜,打扮老成,林淑敏就以长发、西装Look现身,睇落干练得嚟又有啲温和时尚感,但系戴嘉婷就承接大小姐嘅霸气,激动时大叫「岂有此理」同「笃魂精」嘅动作,令网民觉得回忆返晒嚟。
![]()
从片中可以率先得知,两位角色关系系带火药味嘅「前情侣」,令网民笑言「唔通佢哋『前世』系夫妻,『今世』做仇人」。而剧集收视更节节上升,欧瑞伟、李伟健、车婉婉、李茵彤等演员齐齐拍片宣布好成绩,更感谢观众支持!
![]()