陈百祥 叻哥 日前接受访问时,称而家成个香港演艺圈资源萎缩,仲话TVB请唔起佢,对此呢日阿姐 汪明荃 为《万千星辉贺台庆2026》进行彩排时,直言乱讲嘢系叻哥讲嘢嘅风格:「有几多人信呢就唔知喇。」![]()
对于叻哥指TVB系一间细公司,阿姐淡定表示:「全个中国嚟讲,我哋都系其中嘅一间公司,个规模或者而家内地有好多大过我哋,但我哋香港本土嘅,咁佢(指TVB)就系大公司㗎喇。」阿姐续指虽然放眼全中国,TVB只系其中一间电视台,但作为香港人,TVB就系代表本土公司、电视台。![]()
至于叻哥扬言TVB请唔起佢出骚,阿姐就指始终要畀机会新人:「请唔起呀?我哋有好多新人㖞,你唔睇见年年有好多新㗎咩。最老资格都系我啦,哈哈,我觉得始终都要换新人嘅,我哋好努力培养好多,好似今晚好多司仪都系新人上嚟,Mayanne(麦美恩)𠮶啲都做咗好多年,佢哋而家好多可以独当一面啦,成为一个偶像当然唔系咁易,我都挨咗就嚟60年喇,咁大家努力啰。」![]()
问到会唔会打电话畀叻哥叫佢唔好乱讲嘢?阿姐就幽默表示:「唔会啦,呢个系佢讲嘢嘅风格,有几多人信呢,就唔知喇。」令在场一众传媒发笑。![]()