陈宝珠、 张家辉 一齐喺尖沙咀为圣诞灯饰亮灯,活动多年嚟同慈善机构合作,宝珠姐喺致词时,感触落泪忆起今年病逝、曾担任香港血癌基金会会长,亦即系 谷德昭 嘅家姐 谷薇丽。![]()
![]()
宝珠姐就话,每年到咗呢个时候,自己就会同谷薇丽一齐喺度倾偈,虽然几个月前好友离世,但精神同志向会一直陪住大家。对于好友嘅离开,宝珠姐心情充满不舍同思念,谷德昭感受一样,而佢觉得家姐喺度,自己会尽力继承家姐嘅善心去帮人。![]()
近年宝珠姐甚少喺公开场合露面,过往虽然见惯大场面,但由于少再公开同大家见面,所以呢晚眼见到咁多人嚟支持自己,佢都话有啲紧张同埋唔习惯。宝珠姐亦分享生活,自己闲时都喺屋企睇电视、做运动,过得平淡平静。
![]()
张家辉啱啱喺一个海外嘅颁奖礼称帝返港,当晚佢仲晒出一口流利英语为港争光。讲到得奖心情,家辉幽默表示「喺边度跌低,喺边度起身」,呢次都系佢第一次拎视帝,又笑言「越南偏远啲,易攞啲」。![]()
![]()
家辉明年就会喺红馆开娱乐骚,呢段时间佢都积极开始彩排。除咗歌单有惊喜之外,佢预告会一展独特嘅舞技,会出现有型又挑逗嘅舞步。家辉仲话呢日见到宝珠姐就即刻问「可唔可以调戏你」,宝珠姐亦大方答应。听到传媒话,刘德华表示可以邀请佢唱《忘情水水水》,家辉即刻多谢华仔,既然华仔咁讲,佢都唔怕丑要邀请。
![]()