11月19号系TVB嘅59周年台庆大日子,全台艺员将倾力为观众带嚟精彩节目。正式演出前嘅总彩排,无线集团有限公司行政主席 许涛 带领管理层及一众艺员拜神,作为镇台之宝嘅Liza姐 汪明荃 ,年年陪住公司过生日,佢都好开心可以见证「TVB与你行得更近、走得更远」。![]()
明年TVB就会踏入60周年,Liza姐指公司多年嚟送上源源不绝娱乐同作品影响市民,自己作为其中一员都感到好光荣,亦睇住公司创新同转变。每到台庆,Liza姐都会特别感触,因为又过一年,同埋希望有新创意。![]()
今年台庆表演嘅压轴嘉宾系许志安,Liza姐好开心见到安仔亦感到好惊喜,之前仲有去对方演唱会,赞安仔唱得好有感情。
对于陈百祥日前公开评论TVB系细公司,Liza姐就为呢件事分享个人睇法,佢话:「喺全中国嚟讲,我哋系其中一间公司,好多规模都大过我哋。但喺香港本土就系大公司,作为香港人,我觉得呢个系代表我哋嘅本土电视公司,大公司,但喺全中国嚟讲,系其中一个电视台。」![]()
至于阿叻话TVB「请唔起一线艺人」,Liza姐就话公司年年都好多新人,喺公司最老资格就系佢自己,而大家都好努力去培养新人。被问会唔会打电话叫阿叻唔好乱讲嘢,Liza姐话:「唔会啦,呢个系佢讲嘢嘅风格吖嘛。咁有几多人信呢,就唔知喇。」令大家都笑得好开心。![]()
黄翠如 啱啱喺马来西亚返香港,身体稍有不适,呢晚要戴住口罩现身。今年翠如同 洪永城 呢对最佳拍档有份做台庆主持,呢次都系佢哋加入TVB咁多年以嚟,首次做台庆主持,所以Tony都话好期待。
![]()
今年台庆有好多精彩表演,除咗许志安会压轴登场献唱经典金曲,仲有向幕后同事致敬嘅环节。负责「炫舞女王」环节嘅 陈敏之、 陈炜、 傅嘉莉 经过多日排练,一切做好准备,佢哋预告届时舞好睇、衫亦靓,而呢个部分系向所有梳化服同事致敬。 龚嘉欣 同 谭俊彦 两位拍开动作戏之一就会有向动作组致敬环节,谭俊彦仲话好开心呢次台庆有大师兄罗嘉良回归,叫大家一定要收睇节目。
![]()
讲到Opening嘅歌舞表演,罗子溢、张曦雯都会跳埋一份。距离正式演出唔够24小时,两位竟然话完全未练过舞,不过好有信心可以完成表演。
![]()
![]()