柯雨霏新歌转行阴暗惨情风 为拍MV刻意激减体重

柯雨霏(Ophelia)继首支作品《直觉型美学》后,终于推出第二首歌曲《浸没》。Ophelia喺一间荒废嘅空间拍MV,仲要经历被一堆线五花大绑,成个氛围相当沉重。

Ophelia分享新歌有别于第一首歌嘅另类摇滚风。呢次新歌虽然关于失恋,不过系由自己提出。Ophelia话提分手前嘅过程,内心会好挣扎,最后喺痛苦当中,终于抽离出关系。导演为配合歌曲嘅阴霾感,所以特别拣选呢个场景。

Ophelia为营造出失恋落魄感觉刻意减肥,佢话之前同导演倾嘅时候口多多讲咗,自己失恋𠮶段时候都会食唔到嘢,所以导演要佢再瘦啲,令成个人睇落要再惨啲。问到瘦咗几多?Ophelia就话足足瘦咗5kg,呢个体重简直系人生中最轻嘅时候。