《中年好声音》出身嘅歌手曹越,日前受邀参与多位管弦乐手同台演出,令佢直呼机会难逢。当晚最大亮点之一,就系曹越获安排与80年代经典乐队 Blue Jeans成员 黄良升 跨代合作,喺管弦乐团伴奏下合唱经典金曲《岂有此理》。两人在台上牵手互动、唱得投入,火花十足,为观众带来耳目一新嘅新鲜感。![]()
![]()
![]()
除咗同前辈破格合作,曹越嘅好姊妹 陈俞霏 及 刘晓昆 当晚亦有同场演出。三人难得合体,当然要献唱佢哋嘅新歌《午夜Ring Ring》,边唱边跳成功炒热全场气氛。![]()
不过,这场劲歌热舞背后原来藏著「甜蜜嘅负担」,因为佢哋均以贴身晚装或连身裙「战衣」上阵,演出前喺后台受访时,陈俞霏忍唔住大叫「救命」,直言当晚最辛苦嘅并非唱歌跳舞,而系全程要「收肚」上阵:「其实成个音乐会嘅气氛同歌曲我都觉得非常好,无论系边一首都好,但系『收肚』呢样嘢真系唔系人咁品,大家冇事真系唔好着咁贴身嘅衫!」一番真情流露引得身旁嘅曹越同刘晓昆忍唔住大笑。![]()