吴亦伟 相隔短短两个几月再搞粉丝聚会,今次规模比上次更大,容纳多几倍粉丝,并获一众中声战友尹景顺、雷小雷、陈旭培、范子睿同蔡宓婕嚟撑场,大家都好踊跃轮流上台合唱兼搞气氛。![]()
![]()
亦伟能够举办呢个聚会好感动,佢指首次同粉丝聚会时只得40人,仲要自己煮𩠌,估唔到今次会咁多人支持,又笑言可能粉丝唔想食佢煮嘅食物,所以拣喺餐厅举行。![]()
呢日亦伟太太都有现身亲自为活动监场,亦伟14岁嘅儿子吴蔚恩仲上台同爸爸合唱,稳健台风完全唔输蚀,父子档上阵似模似样。阿仔面对咁多人表现淡定,面对镜头一啲都唔怯场。![]()
![]()
虽然阿仔遗传爸爸嘅音乐天份,不过就因为佢太多才多艺,令一班兄弟搞咗个大乌龙,每次分享阿仔嘅片段时,佢哋都觉得亦伟唔只得一个仔,因为弹结他、弹琴、打鼓、打波等都咁叻,范子睿笑指以为亦伟有好多个仔,后来才发现系同一个。![]()