电影泉攻略|传罗拔唐尼将演出《IRON MAN 4》 DC影业大地震影视作品去留成迷丨EP234

今个星期继续由 王镇泉 为大家送上电影资讯,大家都知Robert Downey Jr.(罗拔·唐尼) 嚟紧就会饰演末日博士,而最近有一位出名爆料好准嘅影视记者Jeff Sneider就话,Robert 好大机会会演出《IRON MAN 4》,呢个消息一出,Iron Man嘅fans当然相当兴奋啦。

而Jeff仲额外爆料,喺第四集Iron Man 前,Iron Man仲会喺另一部电影先行亮相。其实之前都有传出过《复仇者联盟6》嘅剧本流出,指Robert除咗演出末日博士外,同时仲会出演一个平行时空颓废版嘅Tony Stark,正正就吻合Jeff爆料所讲嘅。

本周电影新片速递

《饥饿游戏前传:黎明反击》:凯妮丝登场前嘅 24 年前,「饥饿游戏」50周年祭出史上最残酷新玩法,贡品翻倍至48人!16岁少年黑密契意外被选中,踏入仿如仙境、但其实步步致命嘅竞技场。沦为都城必死棋子嘅佢,点样以个人智慧破除死局,改写整个施惠国命运嘅反抗之火呢?

《理智与感情》:父亲离世、家道中落,性格回异嘅两姐妹,被迫搬离庄园,理智派姐姐Elinor 暗恋英俊而克制嘅Edward;热情如火嘅妹妹Marianne 爱上庄园新主人John,而忽略咗深情嘅上校,面对爱情试炼同世俗眼光,两姐妹凭住牢不可破嘅情谊,一齐走过低谷,希望迎嚟幸福曙光。

《每天再爱你一次》:经典荷里活爱情喜剧心动改编,Minnie首登大银幕,戏中面对患有极罕见失忆症嘅亨利,对方记忆每日都会重置,瞓醒就会将女友当成陌路人。面对只有24小时嘅恋爱花期,露思奇招尽出,决心每日重新追求亨利,实行初恋无限loop!到底呢份爱情最终可否开花结果?

早前DC影业大地震,Skydance狠心炒咗两位CEO James Gunn 同 Peter Safran,不过佢哋留低拍得七七八八嘅作品,仲有冇得留低呢,相信好多人都好想知道。由于Skydance始终负债紧800亿美元,所以外间估计新超人续集,好大机会会完整保留。除咗会继续见到超女外,大家仲可能见到传闻中嘅新神奇女侠Adria Arjona。

香港嘅票房龙虎榜,截至11月18日中午,第1位《哥斯拉-0.0》 、第2位 《第四幕》、第3位《我阿爹想旅行》。