万千星辉贺台庆|艺人红地毡争妍斗丽 汪明荃率12主持与众同乐

TVB年度盛事《万千星辉贺台庆》星期四晚举行,全台逾200艺员同事齐齐盛装打扮出席,,呢晚虽然气温开始转凉,但系一众小生花旦就无惧寒风,女嘅性感上阵大派福利,男嘅官仔骨骨斗chok斗型,个个都出尽法宝抢眼球。


而镇台之宝 汪明荃 就以由头红到落脚嘅华丽打扮,率领 陈贝儿 麦美恩 林溥来 朱凯婷 黄翠如洪永城 陆浩明 林秀怡 周奕玮 郑衍峰 潘静文 同 孔德贤 ,以13人姿态为大家主持今晚盛典。


而 高海宁 就以露背露肩装力抗寒风,佢仲指并无特别为呢身贴身裙节食,至于马明就以一身优雅全黑西装出席,仲卖口乖话要衬托一齐行红地毡嘅高Ling,无需太抢镜呀。而子溢嘅西装同样全黑色,佢仲笑指话太太 茜尧 担心天气冻而非常密实未有骚肌呀。


「绮云姐」 林夏薇 就以白色厘士透视装同「生哥」 陈豪 压轴出现, 陈炜 就一身黑皮裙现身,同样一身黑色裙示人嘅 陈自瑶 就暗藏性感,既露香肩又露腿,胸出蝴蝶结下亦中空隐约性感。


Yoyo受访时笑指为靓展期冇啖好食,炜哥嘅毛披肩就够保暖,而 萧正楠 同 谭俊彦 就指对今晚台庆大奖信心十足呀。


呢晚唔同女星都出尽法宝大骚好身材,好似 张曦雯 一身白厘士裙就非常诱人, 陈滢 同 周嘉洛 就衬绝以黑白打扮现身,至于MYNT 魔音女团 则以红白双色骚美腿出场。另外,几位小花 郭柏姸 戴祖仪 同 游嘉欣 亦同样闪闪生辉,大晒青春一面。


《万千星辉贺台庆》翡翠台 现正直播