视帝 张振朗 同当紥小生花旦 刘颖旋 周嘉洛 朱敏瀚 等,喺台庆夜上演咗连场惊险动作场面,向劳苦功高嘅武术指导致敬,当中唔少得众多武师嘅协力先可以完成呢幕精彩画面。好似振朗同嘉洛孭重飞嘅飞车情节,就由钱家班负责,拍摄时 钱嘉乐 亲自落场指导,又贴心教佢哋点样将动作做到最完美。
振朗同嘉洛多谢钱家班同嘉乐嘅帮忙,大家都系为台庆出心出力,又动用大阵仗嘅场面去完成拍摄。振朗本身都好钟意揸电单车,做唔到可以用于今次特技演出上,感觉超爽,另一个场面,振朗就坐喺嘉洛隔离嘅副座,感受佢驾驶货Van飘移,佢都有啲心惊胆跳。
而嘉洛就话从来冇谂过货车都可以飘移,过程都好惊险,经过今次拍摄之后,两人都更加尊敬武术指导,感受到原来平日拍戏时佢哋要做出嘅动作真系好高难度,而且要好有胆色先做到。