出名系圈中「孝顺女」嘅视后 佘诗曼 Charmaine Sheh ,近年主动减少离港工作,留多啲时间陪妈妈。佢19号晚就喺社交平台PO出多张为妈妈庆祝生日嘅温馨合照,字里行间流露出对妈妈满满嘅爱意,引嚟大批圈中好友及网民留言送上祝福。![]()
喺阿佘分享嘅照片中所见,寿星女「佘妈」Lily 穿上亮橙色立领刺绣上衣,加上一头银白短发,精神奕奕,气质优雅出众;而阿佘则于身后抱住佘妈,两人齐齐对住镜头露出灿烂笑容。另外两张相则为大家为Lily准备嘅生日蛋糕,一个为中式红底金字嘅两层生日蛋糕,蛋糕顶上有「76」及两个小寿桃,而另一个则系简单款嘅士多啤梨蛋糕。![]()
阿佘喺帖文中感性写道:「又到呢位靓女牛一喇~专登买咗件靓衫俾佢,睇吓佢今日几sharp醒!见到你今日咁开心,我嘅开心指数到爆哂表!都系𠮶句啦:I love you🧡 I love you🧡 I love you🧡 (重要嘅事要讲三次😛)P.S. 多谢各位贵宾嘅莅临,希望你哋食饱饱兼开心啦!」![]()
Lily同阿佘喺圈中嘅人缘都极好,所以 上山诗钠、周家怡、梁靖琪、李施嬅、蒋祖曼、张继聪等圈中人,都喺帖文下留言,祝Lily生日快乐,身体健康呀。