陈庭欣否认封盘挞着失婚灯饰老板 斥爆料者一知半解 怕变孤独村冇朋友

陈庭欣否认封盘挞着失婚灯饰老板 斥爆料者一知半解 怕变孤独村冇朋友

39岁陈庭欣(Toby)去年底宣布与拍拖8年嘅圈外男友杨振源(Benny)分手,获娱圈「金牌媒人」林盛斌(Bob)承诺帮佢脱单,点知日前传出陈庭欣「封盘」半年,话其新欢系灯饰生意老板Gary,盛传二人因打Pickleball擦出爱火,男方现年四十几岁,约5个月前办妥离婚手续,陈庭欣事后接受传媒访问,斩钉截铁否认恋情。



陈庭欣亲解呢段绯闻来龙去脉,称二人并非今年4月透过打波认识,二人未打Pickleball已认识对方,批评爆料者一知半解,佢坦言回复单身后,好担心同朋友食饭会被人写,而且佢同Gary仅系好朋友嘅关系,大家有共同兴趣打波。


报道中提及Gary刚离婚数月,Toby坦言知道Gary刚离婚数月,直言唔爱八卦别人嘅私事,Toby仲话报道出咗,Toby大方称二人有联络,对方都知佢做呢行,慨叹报道对圈外人造成影响。


Toby认为缘份唔使特别追求,强调未有新恋情,目前单身生活过得开心,自己都有其他男性friend,唔单止Gary,亦会约吓其他人。Toby坦言身边不乏追求者,有时亦会出席饭局邀约,笑称再被乱传绯闻,就会变「孤独村」冇朋友。