谭辉智成功被粉丝「突袭」面不改容 周吉佩澄清做老板捧女团撼MYNT

TVB生日嘅大日子唔单止公司上上下下好热闹,完骚后公司门外亦跻满大批粉丝守候偶像,深夜时份仍然着住一遍灯海呐喊,同心目中嘅偶像一条心齐齐祝TVB生日快乐!

吉S粉等到偶像周吉佩出现时好兴奋,而呢晚遇正气温下降,吉吉好担心粉丝们冻亲,叫佢哋要保重着多件衫。另外,近日有传吉吉力捧女团做老板,佢解释:「老就系老,只系老师,好用心教佢哋唱歌,并唔系去捧一队女团,讲到话去力撼MYNT,冇咁嘅事,太夸奖我。」

谭辉智急不及待出去同粉丝见个面之际,发现平日一大班嘅fans只剩下几位,但辉智面不改容同佢哋合照,呢个时候后面就涌出一大班粉丝,送咗个惊喜俾辉智,而佢哋就一整晚企喺门外苦练呢句呼唤偶像,「辉智你今晚去咗边唧」,搞到平日贪玩嘅辉智笑到收唔到声。

11月31号喺陈炜踏入53岁生日,呢晚佢嘅粉丝就窝心送上生日蛋糕同炜哥庆祝,令炜哥好感动,又承诺会拍更多好作品送畀大家。