女神配对计划2|Oscar重沟通坚拒偷睇手机 何沛珈接受伴侣先斩后奏赴外地工作

女神配对计划2|Oscar重沟通坚拒偷睇手机 何沛珈接受伴侣先斩后奏赴外地工作

何沛珈(Roxanne)与 Oscar(方智弘)喺TVB恋爱综艺节目《女神配对计划2》,成为CP焦点配对之一。两人早前喺社交平台上载「情侣接受度挑战」嘅影片,两人都重视私隐与空间,认同「Me Time」独处可以消化情绪与沉淀思绪,Oscar亦明确反对伴侣偷睇手机及安装追踪App,认为信任比监控重要。
myTV SUPER重温新一辑女神求爱历程


片中见何沛珈同Oscar不时做出鬼马表情,非常合拍,当主持问二人接唔接另一半去外地工作,事前唔商量便作出决定,何沛珈体谅伴侣事业发展,认为机会难求,即使对方先斩后奏去外地工作仍能接受,甚至陪伴对方前往当地。


Oscar则重视双向沟通,认为重大决定前应该先商量,把伴侣纳入考虑范围。Oscar话当伴侣去外地工作3年,事前完全唔商量,Oscar觉得对方系冇将自己列入为一个考虑范围,何沛珈闻言笑称:「原来工作咁长,我以为去工作三日㗎咋,但系男仔嘅话,工作行先系紧要嘅,如果工作系一个好好嘅机会嚟,对事业有帮助,你就去啰!」


何沛珈觉得作为女友,可以到外地陪另一半,但工作机会错过咗就冇。Oscar反问唔商量真系唔嬲,何沛珈直言唔嬲,始终呢个系工作机会,系完全可以接受。


当问另一半要求check手机,仲要装埋追踪APP,Oscar认为每个人都有自己私隐,check电话系可以讲声,然后当面睇,绝对唔接受偷睇同装定位,Oscar又指通常check得本身关系有啲破裂。


讲到唔使开工嘅日子,若果被对方时刻黐实,唔准有Me time,何沛珈同Oscar都好反对噃!何沛珈话一定要有Me time,喺工作时有一啲负面情绪,或者有一啲谂法需要思考,何沛珈好需要Me time,让自己沉淀一下,可能自己去睇戏或煲剧,Oscar认同喺生活上,有时系要自己去消化,冇办法两边都运作。


Oscar曾透露喺「电话亭」及「食苹果」等互动后,对何沛珈心动,欣赏其率真个性。Oscar一改被动性格主动出击,二人相处互动暧昧,充满粉红泡泡!何沛珈日前出席TVB台庆活动时,直认两人目前仍在了解中。
《女神配对计划2》星期日晚 20:30 翡翠台