黄浩然 吴业坤 伍富桥 同 方绍聪 齐齐参与一个慈善越野跑起步礼,四人见面时更不忘互相打气加油。
![]()
浩然呢日以活动大使身份现身,今次佢只参与20公里,仲笑指100公里要留俾后生嘅坤哥去挑战。活动当日正值气温急降又落雨,受到天气影响要有强大嘅决心先可以征服,幸好坤哥已经唔系第一年参加,有多年唔同经验,之前再艰辛嘅环境佢都试过,所以有信心可以完成100公里,加上活动咁有意义,坤哥都好认真参与。![]()
呢日坤哥出发前仲获得在场跑友鼓励,佢亦不忘向我哋展示全副准备,原来之前坤哥扭伤脚未完全痊愈,所以佢要带行山杖出发,以免再次伤到旧患。
而今次活动嘅翌日,周润发就同浩然等队友挑战20公里赛事,浩然都有分享点解会促成今次同发哥一齐跑步,仲话已经计划好完成后会揾咩美食医肚,两人亦想借此鼓励大家多啲运动。
![]()