龚慈恩 卢镇业 卢慧敏 呢日为舞台剧进行彩排,虽然龚姐已经系老戏骨,不过做舞台剧都系第一次,令佢心情紧张,因为排练后先知同拍电视剧、电影好唔同,无论方位、节奏、企位都要重新学习,整个画面要好丰富,幸好事前有阿女同导演以及其他演员帮助,先令龚姐演出过程流畅,仲觉得呢个新尝试几好玩。
![]()
龚姐前夫 林炜 昔日拍嘅连串爱情台剧近日喺社交平台翻Hit,林炜更被大家封为「上古许光汉」,亦有人揾到一段节目访问,话龚姐怒烧林炜嘅剧集录影带。龚姐强调烧就一定冇,自己肯定唔会咁做,但当垃圾掉咗就有可能,毕竟都廿几年前嘅事,唔记得太清楚,当时应该系啲宣传嚟,龚姐亦都大方祝福林炜。![]()
小野同Amy喺剧中饰演新婚夫妻,仲会有亲嘴场面,两位坦言无预想过会否尴尬,但小野话平日拍嘴戏都至少有几十人在场,所以冇特别想太多,二人会投入演出。
![]()