近日因为参与电台篮球赛而被誉为「真.篮球女神」嘅 刘颖旋 日前到昂坪出席粉丝见面会》,吸引大批Fans撑场。Tiff早前嘅比赛片段于社交平台被疯传,网民大赞佢拥有176cm高挑身材加上样子甜美,之后更荣登「IG十大人气GenZ女星」榜首。
呢日活动期间,曾身为高中校队成员嘅Tiff亦大晒球技,即场示范插花同转波,令现场朋友都大赞佢「好波」。![]()
一向形象健康嘅佢又指,行山对锻炼体能帮助极大,令佢可以喺球场保持爆发力,:「自己一向喜欢行山同做其他带氧运动,增进心肺功能同腿部肌力,体能好,球场上自然得心应手。」Tiffany又指行山可以欣赏沿途美景,强身健体之余仲可以「俾眼睛去旅行」,一举两得!![]()
Tiff话:「今日行昂坪观景台行山径,再搭缆车饱览大屿山壮丽风景,天坛大佛、昂坪市集、港珠澳大桥等美景都尽收眼底。最重要系路线难度较低,距离昂坪市集只系15分钟,男女老幼都可以轻松挑战,行完山仲可以去市集食饭休息」Tiffany更大赞市集行山用品包罗万有,适合大家补给。![]()
呢日Tiff仲获颁发「昂坪行山探索游」奖牌,感谢佢鼓励大家行山做运动。之后佢邀请3位幸运Fans上台玩互动游戏,最后齐齐获得亲笔签名的波衫,以及同女神合照嘅机会。![]()
对于荣升「新一代女神」,Tiff就谦称自己同女神一词相距甚远,只系一名热爱打篮球嘅邻家女孩,佢又分享择偶条件:「我由细到大都钟意打篮球,所以志同道合嘅男仔会加分。若然系热爱打波同行山嘅『运动型』男仔仲会双重加分,同另一半边行山边谈心,陪著你走嘅感觉十足十偶像剧充满粉红泡泡,超级浪漫。不过而家系事业冲刺期,仲有好多角色想挑战,追求者可能要比多啲耐性,等我专注事业先。」
![]()