方力申 挑战体力极限,出战35公里港澳慈善渡海泳,最终用咗8小时37分零24秒完成壮举,一举刷近港澳横渡最快纪录,更正式获健力士世界纪录认证为「香港至澳门游泳用时最短(男性)」,更成功突破港币1000万元总筹款目标。
![]()
一众亲友喺澳门黑沙海滩等候,小方上岸后全场报以掌声欢迎,方妈妈、太太以及囡囡Isla更上前迎接,Isla同小方更头贴头场面温馨。![]()
完成呢次壮举后,小方虽然体能消耗到极限,但佢未有停下脚步,喺同日傍晚无缝接力,出席一个群星音乐会,小方更同胡定欣一齐合唱《好心好报》并联同刘浩龙、侧田、小肥一齐合唱《决战二世祖》。![]()
小方话佢其实演出时一直感到头赤赤、吞口水亦都好痛,但佢都好开心可以顺利完成演出,讲返呢次渡海泳,小方话佢游到中途突然水温急降,全靠意志力撑过去,小方话:「因为咁多人睇紧直播,唔衰得,又有人等紧我,游紧𠮶阵一路幻想住上岸时,见到阿妈、太太同囡囡,所以只可以同自己讲,只要你继续划手,就会同岸距离近咗。」对于攞到健力士世界纪录,小方就话非常开心,但佢最希望反而系人哋记得佢为咗慈善而游。![]()
小方又透露早前中风嘅方爸爸亦喺医院留意住直播,佢指爸爸而家嘅康复进度理想,乐观嘅话可以恢复八成,佢仲话爸爸已经知道自己就快再做爷爷,仲好期待想知BB性别。
被问到两年抱两系咪好勤力?小方话呢个系计划之内,加上自己年纪都唔细,至于点样奖励太太?小方表示太太唔需要奖励,只系希望佢唔做咁多嘢,多啲陪伴屋企。对于第二胎系生仔,小方都话觉得好意外,但同样佢亦开始担心男仔同女仔喺管教方面会有唔同,所以佢都话要向其他人取下经先得。