音乐才子林敏骢出山主演《下流上车族》首度拍剧，更创作片尾曲及插曲，呢日佢拍住《声梦传奇》文凯婷（Aeren）合唱，林敏骢相隔多年再开金口，笑言公司觉得佢套剧好睇，所以变咗台庆剧， 希望佢整埋啲歌。
Aeren与前辈林敏骢合作觉得兴奋又紧张，更提前半个钟到录音室准备，佢笑笑口讲：「同屋企人讲要录歌，今次系林敏骢老师填词，家人即刻『吓，好似好寸𠮶噃』，哈哈，我当时问我应该乖啲定再寸啲，屋企人叫我乖乖哋做下靶。」Aeren好少唱纾情歌，仲获得林敏骢赞赏，Aeren知前辈好耐冇写歌，林敏骢笑言系缘份，亦有留意Aeren唱过自己嘅作品《跳舞街》。