日前举行首轮面试嘅《中年好声音》反应热烈，喺截止报名前就有唔少有志参赛者，喺8号一早嚟到TVB排队面试喇。同上次一样，唔少参加者都有一身好功夫，亦有部份参加者曾经系过往比赛常客嚟，到底佢哋有冇机会今次再圆舞台梦，一阵就记得留意「东张+」现场直播佢哋嘅表现喇。
唔少人生活稳定之后再去追寻梦想，呢日就有曾参加新秀嘅、亦有一家大细陪Daddy到场，亦有2010全球华人新秀歌唱大赛，获得网上最具人气奖嘅Venus谢颖，呢日亦都再次挑战自己上阵，同JW老友鬼鬼嘅佢，仲获大力支持同教路呀。
呢日仲有一位系前辈加旧同事，佢就系「木偶哥」林师杰嘅爸爸林道权，佢除咗系今届参加者之外，仲系1982年艺训班毕业学员，加上今年系佢同太太结婚40周年，所以就决定再一圆梦想作纪念喇。呢日亦有一位视障人士Romeo参加，佢就认为虽然生活上佢哋略有唔方便，不过想证明喺其他事上面同健全人士一样有竞争力呀。佢仲系作曲及作词家协会成员嚟呀。
现职歌唱老师嘅Jeffery同样曾经系TVB同事，佢就话系经学生提议参加，担心过一轮之后佢就决定都系要挑战自己，抛低心中嘅牵绊呀。记得一阵间留意住「东张+」现场直播面试嘅情况喇。