每逢大时大节，呢个劲有爱嘅剧组《爱・回家次开心速递》就会有唔同嘅庆祝活动，呢日佢哋就齐集庆祝Halloween，兼帮三大长老刘丹、罗乐林同陈荣峻变装，又帮10月20号生日嘅罗乐林送上蛋糕同香吻。
寿星公罗乐林就话咁多年嚟，《爱．回家》几乎每一位演员生日都会一齐庆祝，而许家杰就透露其实呢个星期系剧组嘅生日周，因为除咗大龙生生日之外，大小姐林淑敏同焦浩轩亦都系呢个月生日，所以最近剧组都系keep住生日。
汤盈盈做咗妈咪之后专注帮囡囡打扮，不过滕丽名对盈盈嘅手功似乎唔多buy，仲笑言本身自己都想生，但系见到盈盈同吕慧仪对佢哋嘅小朋友做嘅嘢之后，就吓怕咗佢令佢唔敢生呀！
至于有传唔霸续约嘅林凯恩，呢日就回应传闻，仲话大家仲喺电视上见到佢，证明佢仲喺电视圈内呀。
