台庆节目《香港小姐再竞选》结果出炉，进身三强嘅有3号陈懿德、6号李芷晴同11号何沛珈，不过边位系冠军竞要等到11月19号嘅万千星辉贺台庆先知喇！
要喺14位佳丽入面选出三甲，问到三位评审陈百祥、袁伟豪同高海宁嘅准则？另哥直言讲明系选美节目，一定系拣咗样同身材都靓嘅先，至于口才𠮶啲都可以后天学习。高海宁话而家嘅三甲各方面都好平均，但要佢拣冠军季军佢记拣𠮶到出嚟，因为各有千秋呀！袁伟豪指虽然节目叫《香港小姐再竞选》，但佢觉得咁多位同事嘅状态都仿如参加紧真正嘅香港小姐咁，佢仲话好开心公司开一个节目畀咁多位同事去再发挥呀。
陈懿德为咗呢次选美入面嘅才艺表演环节花咗唔少心思，表演腹语嘅佢事后讲返原来自己只系学咗两堂时间，但已经令人叹为观止呀！6号李芷晴同11号何沛珈除咗入围三甲外，佢哋就分别再夺得最进步奖同更上镜小姐奖，何沛珈话事前只系想做好个骚，所以真系冇谂过会拎到奖，而李芷晴就话想当年自己参选时嘅才艺表演真系麻麻地，又紧张又论尽，所以今次再有机会，佢就叫自己尽量放松做好个表演呀！
表演狂野歌舞嘅麦皓儿，得到男友丘梓谦到场打气，虽然最终入唔到三甲，但佢都话好满意自己表演，仲预告嚟紧会有歌曲推出呀！
向海岚呢晚就特登嚟为陈懿德打气，佢赞对方进步咗好多，自信咗之余仲可以骚到自己原来风趣幽默嘅性格。
性感造型登场嘅樊亦敏，就话因为最近自己清减咗，加上希望畀大家睇到叻一面嘅自己，所以先豁出去着呢年透视装出嚟。
