原定喺中秋节举行创纪录演唱会嘅胡枫，因为不幸确诊而令演唱会延期，经过好好休养嘅修哥早已经康复晒，呢日佢仲同joe junior、胡渭康、顾纪筠同老公陈仕炜一齐进行彩排。修哥仲即场解答观众对演唱会延伸嘅疑问，佢话到时大家拎返当日嘅演唱会门票，同一时间去返演出场地，就可以欣赏返呢场演唱会呀。
修哥喺圈中人缘极好，唔少人都举手想做佢个唱嘉宾，就算上唔到台演出都想到场支持，所缘修哥话好感谢大家嘅疼锡呀，而胡渭康话今次延期可幸嘅系，修哥可以拎埋个艺术家奖先开个唱呀！
而顾纪筠就话修哥系香港人嘅宝，同香港人一齐成长，所以可以见证全修哥有呢个成就，大家都好开心呀！佢仲话自己全程投入，只要修哥开声，要佢做乜都冇问题呀！
