刘丹儿子刘恺威同前妻杨幂离婚多年，恺威日前终于认爱，跟内地演员李晓峰相恋，丹爷呢日出席《爱‧回家开心速递》宣传活动，开腔回应阿仔嘅感情事，丹爷笑言好开心，又指好多朋友呢几日都问起此事，修哥仲叫大家恭喜丹爷。
恺威发女友近照给丹爷过目，丹爷大赞李晓峰几靓，不过暂时未见到李晓峰，亦唔勉强阿仔拉埋天窗，希望阿仔跟女友顺其自然发展，丹爷本来想将开心事跟孙女刘苡馨（小糯米）分享，不过太太想由恺威亲自同小糯米讲。
《万千星辉颁奖典礼2022》日前公布提名名单，获得4项提名嘅袁文杰，好开心受到大家嘅肯定，下月就系佢同太太张洁莲结婚两周年，今年将准备小礼物，同埋揾个地方带埋宠物一起度过，出年先同太太外游旅行。
《爱‧回家》剧集播出快6年，一直未把「最佳剧集」呢个奖收入囊中，呢日豹哥单立文笑称应该轮到佢哋，而苏韵姿获提名女飞跃进步女艺员，佢多谢大家支持，亦好想《爱‧回家》拎「最佳剧集」；吴伟豪、焦浩轩及陈浚霆入围最佳拍档，陈浚霆直言佢哋一向「不和」，冇谂过佢哋获提名。
