杨谨华被追问造人计划 直言同老公有共识

杨谨华演技早已得到观众认同,可惜佢7次都同台湾金钟视后擦肩而过,为咗氹返老婆开心,杨谨华老公早前就同咗佢去咗韩国旅行散心。不过呢日杨谨华出席活动时,就被传媒朋友戏言佢此行系治疗失落视后嘅创伤,搞到杨谨华哭笑不得,仲叫大家唔好讲到佢成个怨妇咁,佢话自己只系由去年下半年到今年11月初都冇放过假,所以先会有今次韩国之旅出现呀。

讲起今次韩国之旅,杨谨华唔只展示咗自己依极唔肥嘅体质,由朝早食到宵夜,佢仲同老公花式放闪,出post大晒呢位御用摄影师帮佢影嘅靓相,认真羡煞旁人呀!

同老公二人世界咗4年,传媒朋友都媒紧张追问杨谨华有冇同老公努力去开展三人世界?可能个话题比较私人,加上传媒戏言要计算日子嚟推敲佢哋几时「造人成功」,所以杨谨华即刻话呢个话题太私密,仲反问在场嘅传媒「那你昨天冇吗?」、「你很久没有了是不是?」,点知在场传媒再追问杨谨华系咪同老公放弃努力了?令到杨谨华无奈咁解释,指每个人对努力嘅定义都唔一样,希望大家唔好将自己嘅准则套落人哋身上,佢又话呢啲事都有同老公倾过,大家亦有一个舒服嘅共识呀。