王君馨 有份演出嘅台庆剧《超能使者》日前大结局，虽然Grace并非异能人之一，不过佢演出嘅卧底黑帮成员 韦小姐 入型入格深不可测，喺父亲被害死嘅一幕演出仲被观众盛赞呀。虽然阿Grace认为可以做得更好，不过拍档 沈震轩 就一样话冇得顶喇。
Grace过往几次演出都难逃身亡嘅结局，不过今次《超能使者》佢就认为结局非常感人喇，至于之后其他作品会唔会有望脱离咁苦情嘅命运，佢就封嘴话完全唔可以透露，大家就可能要好好留意佢参与 甄子丹 嘅作品《天龙八部》喇。
近年涉足音乐嘅Grace除咗拍戏之外，筹备两年嘅新歌亦都即将推出，当中嘅MV仲斥巨资拍摄，又因为当中嘅CG特效花咗工作人员好多时间同精神制作，所以Grace就话之后大家记得要多啲揾佢做嘢先有钱再出新歌呀。
