嚟紧星期五晚喺 J2 播出嘅《开坛》，苏师傅会以「人缘」作为主题。而港姐冠军 黄嘉雯 同 Amber陈若思 就分别用IG关注人数做比较嚟测试喇。
节目10月拍摄时Carmaney嘅关注人数有87.9K，而Amber则有76.5K，Carmaney当时仲预计「Amber会超过我」。事隔个多月后，佢哋嘅IG关注人数(截至12月6号)，Amber嘅帐户飙升到91.9K，激增逾1.5万人、而Carmaney亦唔输蚀增加近万人去到97.6K。
Amber接受访问时话人数暴增，要多得 J2 节目《港女野人》，佢话︰「《港女野人》好多人睇，节目完咗之后，我哋仲有一齐行青山，同埋去二澳， 真系好多人认得我哋打招呼。」而苏师傅就指喺娱乐圈打滚，人缘好代表有观众缘，所以今集几位J2ers都打醒十二分精神听。
师傅话想知人缘好坏，可以由尾指、眉同眼着手，佢话︰「眉为交友宫、朋友宫。眉毛 贴眉骨，同朋友之间较容易和睦相处。眉毛粗又乱又竖，容易识到唔好嘅人。」而手指尾越短，就越易识到朋友。
节目又讲到面相当中，可以睇出有边类贵人扶持。分别系额头主上司、长辈嘅帮助，两颧主平辈、朋友等贵人，师傅就大赞Carmaney双颧有肉包住称为暗颧︰「有贵人容易揸大权。」师傅又话喺娱乐圈发展，面相有两条纹好紧要，仲爆刘德华长期大红嘅秘密，原来除咗个人努力之外，就因为呢两条纹而大受欢迎︰「刘德华𠮶两条纹生得好靓好靓好靓。」 究竟系咩纹就要睇节目齐齐揾喇。
