每到年底就系娱乐圈各式颁奖礼举办嘅日子，亦系一众艺人证明自己过往一年努力嘅时候。一间娱乐公司举行嘅颁奖礼10号举行，当中 黄宗泽 同 胡定欣 就分别凭《法证先锋V》同《白色强人II》获得最佳男、女主角奖，佢哋仲对获得肯定非常开心呀。
而播映时受到观众追捧嘅《美丽战场》就成为呢晚嘅大赢家， 陈滢 同 陈山聪 分别得到最喜爱男、女演员，Jeannie同 周嘉洛 仲因为《痞子殿下》嘅合作得到最佳CP组合呀。事后Jeannie仲对下月举行嘅台庆颁奖礼充满信心，仲估计最佳剧集好有可能系自己有份演出嘅《美丽战场》同《痞子殿下》之争㖞。
同样大受观众欢迎嘅仲有《下流上车族》嘅车家，呢日佢哋就得到最佳电视剧集喇，而 林敏骢 江美仪 鲍起静 同 邓智坚 仲各自得到人气男女演员奖，不过佢哋就话希望喺台庆颁奖礼抢到最佳剧集奖，不过睇佢哋两公婆斗嘴就一样充满娱乐性喇。
「芊芊」 郭柏姸 呢日就得到最佳进步女艺人奖，佢传遍全港嘅魔音搞到车总都拧晒头，呢日仲断埋症话重症好长手尾㖞，仲话教囡囡唱歌唔会收钱，但系要喺自己演唱会上台唱歌，就Thanks, But No Thanks咁讲喇。
而啱啱喺《超能使者》合作完嘅陈山聪 刘佩玥 同得到最佳进步女艺人嘅 刘颖旋 即将又会再次合作，阿Moon今次仲冇得叹要出手打，大家仲为佢做定心理准备呀。 黎诺懿 同黄翠如 就获颁最佳主持奖，翠如仲即场向成为监制嘅诺懿自荐，诺懿仲即刻谂到好Idea㖞。
歌唱节目《声梦传奇2》得到最佳综艺节目奖，而「声梦」出身嘅Aska张驰豪，就同 孔德贤 一齐得到最佳进步男艺人，Aska仲同时获得人气创作新人奖，又同Chantel一齐得到人气合唱作曲奖，而Chantel同JW老师亦分别得到人气歌手奖呀。
获得新人优异奖嘅火鸡 孙汉霖就话喜出望外，仲话希望有机会可以参与更多戏剧演出咁话呀。而性感现身嘅温碧霞就得到重唱歌曲奖喇。
