杨卓娜同梁芷珮呢日出席一个颁奖典礼，杨卓娜有份演TVB台庆剧《轻‧功》，佢指自己比较重情义好易被打动，佢觉得情感好紧要，所以睇每集均觉得好感人，完全被剧情感动到眼湿湿。
梁芷珮拍《潮什么》系列一直深受欢迎，《非洲潮什么》下月将播出，佢回想呢次旅程好难忘：「从来未去过，而且今次去咗好多唔同地方，又去咗Safari睇动物，仲带埋啲小朋友同行，成件事好正。」梁芷珮预告明年行程紧密，1月至2月赴冰岛、3月前住阿根廷同南极、4月出发去瑞士、5月去意大利同希腊、6月再去北极及挪威，再返回冰岛，梁芷珮希望带团之外，可以拍多啲旅游短片放上网畀大家睇。
