年年贺年歌都一样听到闷？今年 周志康 伍富桥 谢东闵 谷娅溦 施匡翘 同《声梦2》嘅 彭家贤 金永衡 ，早前就一齐为一首全新应节贺年歌《黄貔财神到》录音喇，不过当中急口令一样嘅歌词，就考起咗闵大人喇，佢仲话希望新一年工作顺利呀。
而Alvin同阿康就以特别搞鬼嘅声线录音，希望大家更能够感受新年气氛呀，而旧年成婚嘅Alvin今年首次以人夫身份过年，佢就话要向阿康请教经验，亦话最紧要慷慨开心，大家互相祝福呀。阿康仲教路叫Alvin快啲生小朋友，咁以后过年就一定可以帮补返多少喇。
至于溦溦同Zaina都系第一次录贺岁歌，但系广东歌词就令溦溦要用多啲时间研究喇，而Zaina就话希望大家听完呢首歌新年有新开始，希望带到开心气氛俾各位呀。
Zayden同金仔就非常开心有份参与录音，佢哋仲话自己性格夹晒新歌，仲话今次有份直情好似升呢一样呀。
