香港第一代食评家唯灵初三逝世享年87岁

原名麦耀堂嘅 唯灵 喺经济起飞、香港人开始学识享受嘅80年代，已经开始撰写著作为大家介绍识饮识食嘅乐趣，除咗喺唔同中外报章杂志撰文之外，亦不时担任唔同电视节目嘅嘉宾，介绍唔同国家地区嘅食物特色。

唯灵自幼受父母影响，学会品珍味嘅真传，到长大之后更发扬光大，成为香港知名美食评论家。自上世纪60年代开始，已经为无数大型集团担任公共关系同饮食顾问，亦著有多本著作。

虽然平时有唔少机会食尽山珍海错，不过唯灵就非常反对奢侈饮食习惯，亦认为食物并无贵贱之分，更非常推介平民美食。