张艾嘉早前第3度夺得金马影后，呢日佢现身香港闹市街头，联同周汉宁、新晋导演曾宪宁及监制陈心遥为电影宣传造势，喺即将拆卸嘅霓虹灯下拍照留影，张姐觉得好特别：「呢啲霓虹灯陪伴我几廿年，虽然我冇行入去过，我都睇住香港好多好靓嘅霓虹灯，一路存在，直至到而家慢慢消失，剩番几个！」
周汉宁亦惋惜霓虹灯牌日渐消失，拍摄时都有听上一辈对于霓虹灯嘅回忆，以前通讯冇咁方便，当年嘅人通常会约喺一个指定灯牌附近等对方，而张姐同周汉宁今次为咗呢出电影，学习制作霓虹灯，对呢门工艺加深了解，张姐表示香港曾经系全世界最多霓虹灯嘅地方，每一个霓虹灯系经过画图，再揾几个师傅赶工，呢门艺术唔系咁简单。
