年度大型筹款节目《博爱欢乐传万家》11号圆满举行，大班歌手分为红蓝两组为节目表演募集善款，其中 Gigi炎明熹就先后表演 梅艳芳 经典金曲，又同 曾比特 合唱，更加现场首次献唱新歌《大开眼界》呀。
4月就正式成年18岁大个女嘅Gigi，就话希望自己可以再生得高啲，身形比例可以更好㖞。除此之外又希望可以展开个人音乐会，可以同歌迷朋友一齐聚会玩返晚，不过首先就系要好好准备嚟紧嘅公开试喇。
而 林敏骢 早前公布自己纪念演唱会嘅嘉宾名单，Mike曾比特亦榜上有名，呢日佢就话非常开心有份参与呀，而稍后就会举行嘅张国荣纪念演唱会，Mike同都会上台表演，佢就话更加期待当日同其他前辈同台呀。
而 JW 呢日性感打扮现身之余，仲有一头为《痞子无间道》剪嘅短发，佢仲话早知再早啲剪氲，因为清爽又舒服呀。而 吴业坤 亦都准备开新剧，仲会同 王敏奕 合作，仲话好在冇乜感情戏，自己身唔使同太太解释呀。
海俊杰 呢日就同 冼靖峰 重现佢29年前参加新秀比赛嘅升Key场面，而同届嘅亚军 丁文俊 参与《中年好声音》，海仔就话一直有留意对方表现喇。
Gin Lee呢日就以野性造型表演佢嘅快歌，但系原来表演前一日彩排后Gin Lee嘅手机失踪，好在最后有好心人送交保安，先令佢舒一口气咋。
