个案同人物关系千丝万缕嘅《廉政狙击》，16号播出嘅重头戏，一定系屠敏怒掟蛋糕拒与亲母相认嘅一场喇，饰演屠敏嘅 胡定欣 同饰演其母群姐嘅 黎燕珊 演技大对决。自知道屠敏就系亲女洛子欣后，群姐千方百计想同对方重修旧好，不惜整病自己之余，又亲制蛋糕往屠敏 Office求和，但系就因为搞错女儿口味，令原本已经心软嘅屠敏不屑吐蛋糕，仲将心中恨意灌注忌廉泼向群姐。
怒极嘅屠敏最终怒掟蛋糕，又指责群姐当年冧楼时见死不救，令原本仍对母女关系抱有希望嘅群姐极之惭愧，当正以为母女关系陷入冰点难以挽救时，原来一切都系屠敏「爱的计算」。
以上几场戏都系定欣大晒功架之作，由见到母亲亲临office冷若冰霜、到见到对方连叉都用尽心思即时双眼通红、再见到「错味」蛋糕内心纠结又委屈、之后按捺不住含恨拨cream、再怒极爆发爆出一句：「钟意食蓝莓蛋糕𠮶个系你个仔唔系我！」，然后边落泪边向母亲清算旧账，再送走母亲，喺得力助手Vani( 蔡洁 饰)面前真情剖白，每一个细致变化均演得丝丝入扣。
同场斗熟练嘅 黎燕珊 一样表现突出，无论系病态、担忧、求和、内疚同失去希望等表情都演绎出色，尤其当女儿提醒自己，当年先救儿子嘅残忍时，群姐嘅崩溃同真挚眼泪亦同样感人。
好戏连场亦令观众大为感动，定欣事后亦坦言两场戏都系自己最爱嘅场面：「呢场掟蛋糕嘅戏同之后我同蔡洁讲心底话嘅戏，两场戏我都好钟意，希望观众同样喜欢！」而另一重点就系雪雪( 陈桢怡 饰)「颓」爆回归，之前喺韩国做生意遭骗尽家财嘅佢，返港重建生活但又被骗运毒，最终被拘捕。眼见雪雪落得如此下场，嘅阿明( 王浩信 饰)大为心痛，仲对其照顾有加，二人恋情渐见曙光。不过今晚剧情又将有重大转折，雪雪将会遇上车祸，明仔则堕楼重伤，到底佢哋系被设计陷害，定系另有内情？
《廉政狙击》星期一至五晚21:30 翡翠台