经典电影系列《侏罗纪公园》（Jurassic Park），饰演亚伦博士嘅纽西兰男星Sam Neill，有传佢罹患淋巴癌第三期。
外媒称Sam Neill最近发表回忆录《Did I Ever Tell You This?》，当中第一章自揭去年宣传《侏罗纪世界：统治霸权》，首度出现淋巴结肿大，其后被诊断出血管免疫芽细胞性T细胞淋巴瘤（AITL），罹患淋巴癌第三期，Sam Neill经过化疗癌细胞已消失，之后每月仍须服用新嘅化疗药物避免复发，坦言面对抗癌过程系「黑暗时刻」。
消息传开后，不少世界各地fans表示担心，㖊日Sam Neill喺IG上载影片，对于自己患病嘅消息被铺天盖地流传，让佢觉得有啲厌烦，佢跟fans报平安称就如大家所见「I’m alive and kicking and I’m going to work （我还活著，而且我要去工作了）」，Sam Neill好高兴可以重投工作，而且佢将于７日后与女星Annette Bening开始拍摄新片，佢指整个演员阵容非常棒，佢希望唔好再写「that thing（那件事）」，Sam Neill解释写书讲到「Did I Ever Tell You This（我有没有告诉过你这个）」，佢确实提到有关癌症，当时佢正在接受治疗，平时惯咗返工，当突然唔可以返工时，佢就写咗呢本书，大家似乎好喜欢呢本书，而副标题系「Movies , Life , Love and Other Catastrophes」，佢希望大家透过呢本书了解发生喺佢身上嘅所有疯狂事，佢笑言之前从冇谂过从事演员职业，回顾这一生佢充满感激。
不少fans见到Sam Neill拍片报平安，有fans表示一听到消息起初让佢哋震惊，当知道佢一切安好，感觉松咗一口气，希望一切都变得更好，另有fans分享其父患癌时不愿外出，因为别人会不断地问，唔想见别人眼中嘅怜悯及关心，呢位fans好明白Sam Neill嘅心情，亦好高兴听到Sam Neill嘅病情好转。