早前宣布4月24号举行婚礼成婚嘅 陈家乐 同 连诗雅 ，成为夫妻嘅日子进入一个月倒数。正当忙住各项准备功夫嘅时候，26号佢哋亦正式过大礼，家乐喺几位朋友著晒红色波衫够晒喜庆嘅气氛之下，拎住多到冇地方摆嘅礼饼同首饰龙凤鈪，去女家举行仪式。
之前每次做访问都非常淡定回应嘅家乐，仲话紧张到瞓唔到觉，而Shiga亦都将嫁喜饼同龙凤鈪排到靓一靓影相，见多对龙凤鈪加埋金猪牌同其他首饰，真系气势十足呀。
早前开完婚前派对大晒长腿嘅准新娘，仲话就快成为新外母嘅妈咪比自己更为紧张，而佢哋仲话婚前非常忙，要多谢各位兄弟姊妹帮手咁话呀。