张驰豪美国返港即刻开工 与杨偲泳首合作拍理财产品广告

早前先同吴若希去完美国登台嘅 张驰豪 ，一返到香港就要继续开工冇得停，为新广告拍摄喇。Aska话原来想趁机会喺美国见吓朋友食吓嘢，奈何实在因为工作安排而要赶住返港，所以就惟有等下次再同朋友见面喇。不过一返港就要开工拍广告嘅佢，又指暂时似乎难以安排假期喇。

呢日同 杨偲泳 首次合作拍摄，Aska就话睇过对方过亿票房嘅电影作品，同真人见面心情就非常紧张，而Renci就话估唔到Aska真人比想像中更加高，佢哋仲话希望往后可以喺其他作品再有唔同类型合作呀。

佢哋呢次拍摄一个理财产品广告，而Aska同Renci就对理财同投资方面都有自己嘅睇法，Renci仲话对储蓄类嘅产品特别留意呀。