TVB高收视处境喜剧《爱·回家之开心速递》一直广受观众欢迎，今晚播出呢集讲「三太」白天娥（樊亦敏饰）要喺所有员工就几位设计师设计嘅男装投票，打算将得票最多嘅设计师品牌引入接龙，为咗公平起见，三太要充当模特儿嘅男员工戴上面具，三太发现其中一位模特儿嘅身型十分「标青」，展开「虾系男神」寻人记！
吕慧仪喺剧中饰演熊若水，下午喺IG赞扬今集两位「虾系男神」谭坤伦及李绍坚，当中以饰演CPU嘅谭坤伦最犀利，由谭坤伦收到剧本到拍摄才个多星期，断食减肥将一旧腹肌变成六旧腹肌，难怪吕慧仪赞口不绝。
吕慧仪记得「处境剧女王」家燕姐讲过拍处境剧为赶进度咩都要快，喊戏都要喊快啲，吕慧仪称就连换衫、埋位及入戏都要快，有时仲要挑战人体极限，减肥增磅都要快过人，吕慧仪又指谭坤伦非常乖仔，真系好认真对待呢场戏，虽然只系短短一幕，有旁人叫佢靠化妆画画就算，不过谭坤伦就坚持努力忍口咗个几星期。
吕慧仪续指放食饭𠮶阵见同场演员喺度食饭，谭坤伦只望住大家食饭，完全冇分散注意力，继续专注减磅，吕慧仪好最欣赏专注做自己事、唔会被人左右、分散注意力嘅人，自己都一直喺处境剧中训练，同时佢又赞另一个演员李绍坚，虽然佢个肌肉系画上去，不过佢都好努力为咗呢集戒口、吃得很清；可见要做「虾系男神」一啲都唔易！
