上星期《成人教科书》嘅「你我」主题家访环节掀起热话，而今个星期将以「美丑」为探讨主题，七位参与小朋友洪焯霖(12岁)、洪司瑄(10岁)、 吕睿晞(9岁)、梁泺生(10岁)、何朗晴(12岁)、陈日曦(12岁)同陈泽峰（11岁），会透过拣生果、人像摄影、估植物价值、自我外表评分、发型大改造，同艺术画绘画六大任务，探索佢哋点样透过唔同任务，对「美丑」有全新同更多元嘅认识同概念。
到底美丑如何定夺？美丑能否主宰人嘅价值、甚至系人与人之间相处？何谓外在美？何谓内在美？靓嘢又系咪一定系钟意嘅嘢？生得靓真系著数啲？以上种种都系今个星期以多角度探索嘅问题。
今个星期亦有特别环节「Added Value」，邀请四位艺人 李尔晨 陈星妤 黄洛妍 同 刘展霆 同小朋友互动，佢哋当中Janees冋Eden妻认为自己冋「传统嘅靓」有一段距离，Eden话：「一 个人个样可能好靓，但佢做啲嘢唔系咁好的话，我就会觉得佢丑。我知自己唔符合传统嘅靓，传统男仔嘅靓系要高大，大只同眼大。」
Janees亦认为自己并唔「靓」：「美丑对于我嚟讲唔系典型嘅靓与唔靓，系一种感觉。我觉得自己外表上未必系靓，因为传统嘅靓系要眼大、鼻高同嘴细，亚洲区仲特别要好瘦添。 我觉得自己基本上冇样嘢符合，但我由细到大冇乜觉得自己唔靓，我揾到自己靓嘅地方。」Janees仲话细个最唔钟意眼同嘴：「去到一个年纪我就觉得，唔系吖，佢哋几特别吖！」足证心态决定一切。
虽然自觉外表普通，但Janees举手投足都散发自信同优雅气质，自9岁开始学习拉小提琴嘅佢，曾连续八年喺香港校际音乐节各组别嘅小提琴比赛夺得冠军，仲以15岁之龄考入萨尔斯堡莫扎特音乐大学，更喺维也纳普莱纳音乐学院修毕小提琴演奏学士学位；拥有超凡演奏技巧同深厚音乐造诣嘅佢，去年参加 《声梦传奇2》亦荣获亚军殊荣。
以音乐敲响同小朋友友谊之钟嘅Janees，一拉起琴弓就技惊四座，在座几位小朋友听到拍烂手掌，仲第一时间封佢为「100分完美姐姐」。而自觉外表输蚀嘅Eden就获朗晴大赞似韩星，仲边赞Eden靓仔边露出心心眼，令Eden受宠若惊。至于外界公认属靓仔靓女嘅Kyle同Yvette又会收获咩结果呢？
今个星期参与节目嘅小朋友各有特色性格，甜美嘅朗晴坦言自五年级开始已有美丑观念，仲笑称自拍照必然经过P图先会公开，非常贪靓；可惜P图经验N咁多年嘅佢，就被指「P图不如真人」，到底原因系乜？
开始进行任务前，朗晴认为生得靓有著数，而参与三集节目录影后，佢对美丑唔上有唔同睇 法，仲话：「原来我比想像中更加贪靓！虽然我知道靓嘅嘢好快会变得唔靓， 但我觉得最紧要系靓咗先吖嘛。」
至于「蜜糖嘴」泺生，就向主持Tony大派高帽：「我真系好钟意Tony Sir，因为佢好聪明。我觉得靓唔系等于钟意，因为我钟意我妈咪，但系佢都唔系几靓。」
到底一班小朋友今次会点反转传统「思想世界」？今个星期节目亦会到访特色画廊、试画艺术画，「成人教科书」小队喺欣赏一幅价值高达150万港元嘅名画后，不约而同O晒嘴， 想知有几特别就要密切留意最后一星期嘅《成人教科书》喇。
《成人教科书》星期一至三晚 22:30 翡翠台
