TVB热播剧《一舞倾城》近日播出细细粒（邝洁楹饰）有感连累同组Money（文凯玲饰）欠下周身债，遂答应陪练马师上船过夜替Money还债，怎料练马师有铺SM瘾，细细粒惨遭练马师残酷蹂躏而遍体鳞伤。
邝洁楹收到剧本时本来以为好轻松，点知埋位𠮶阵，佢先觉得时间过得好慢，完全感受到被人虐待𠮶种委屈感觉，而邝洁楹呢场戏获网民赞其恐惧、不安、崩溃等情绪演绎到位，令不少观众大感心痛。
邝洁楹坦言从演以嚟未试过咁大尺度，对佢嚟讲心情系既辛苦又紧张，事前有做定功课参考一啲虐待戏应该点拍，邝洁楹续指一换上SM戏服已经入戏，姚子羚畀咗唔少建议帮佢，二人又一齐排戏，邝洁楹被SM用具不停拍打，直认唔享受被SM，一上到张床锁上个手扣，𠮶个不安感觉已出晒嚟，邝洁楹见到好多刑具喺现场，望落去已经好惊，所以佢系用当下嘅情绪去做好呢场戏。
后来Money得知重情义嘅细细粒为佢牺牲咁大，二人相拥而哭，邝洁楹当刻直情喊到收唔制，邝洁楹指落船崩溃戏，本身系担心应付唔嚟，当时天气有成37度， 剧情系要佢赤脚行落甲板，一踩落甲板已经好唔舒服，好似畀火烧咁，成个人癫咗咁，有啲位系嗌咗出嚟发泄，呢场戏最终两 Take就搞掂，当下演出嚟系最真实！
